故乡的草原
青真塔益
- 歌手（原记录）
- 青真塔益
作词 : 藏瓦贡白
作曲 : 德白
རི་མཐོན་པོ་སྟོབས་ཀྱིས་ཕྱོགས་སུ་བྲོས། །
གནམ་སྔོན་པོའི་མུ་མཐའ་ཐང་ལ་འདྲེས། །
སྤྲིན་དཀར་པོ་ཁ་བཏགས་བཞིན་དུ་བསྐྱོད། །
ཨེ་མ་ཕ་ཡུལ་གྱི་རྩྭ་ཐང་ལགས། །
རྟ་འདོ་བའི་བང་ཁ་ཁྱོད་ཀྱིས་འགྱེད། །
བུ་རྒོད་པོའི་སེམས་ཁམས་ཁྱོད་ཀྱིས་བསྡུད། །
སྤང་མེ་ཏོག་སེར་བོ་རྒྱན་དུ་བཀླུབས། །
སྤང་མེ་ཏོག་སེར་བོ་རྒྱན་དུ་བཀླུབས། །
ཆུ་རྨ་ཆུ་ལུ་མའི་སྐེ་རགས་བཅངས། །
བྱ་ཁུ་བྱུག་སྔོན་མོའི་གླུ་དབྱངས་ལེན། །
ཨེ་མ་ཕ་ཡུལ་གྱི་རྩྭ་ཐང་ལགས། །
འབྲི་ཐུལ་མའི་ནུ་ཁ་ཁྱོད་ཀྱིས་གསོས། །
སྨན་བུ་མོའི་རེ་བ་ཁྱོད་ཀྱིས་བསྐང་། །
སྦྲ་ནག་པོའི་དུ་བ་གནམ་ལ་འཐེན། །
ཞོ་འོ་མའི་དྲི་ངད་རླུང་གིས་ལྡག །
ལུག་གཡང་དཀར་བལ་ཁ་སྤྲིན་དུ་གྱུར། །
ཨེ་མ་ཕ་ཡུལ་གྱི་རྩྭ་ཐང་ལགས། །
ཕ་ཨ་ཁུའི་བསམ་དོན་ཁྱོད་ཀྱིས་བསྒྲུབས། །
བོད་འབྲོག་པའི་འཚོ་བ་ཁྱོད་ཀྱིས་བསྐྲུན། །